品種特色
魚骨蔓綠絨（Philodendron tortum）嘅成熟葉深裂成窄細條狀，形似魚骨或蕨葉，係蔓綠絨家族裡辨識度極高嘅雕塑型觀葉。幼葉較簡單，攀得愈高、光愈足，分裂通常愈明顯——買細株時要預留成長空間同支撐。
種小名 tortum 來自拉丁文「twisted」，形容葉片扭轉分叉嘅形態。野生分布大致喺巴西北部至玻利維亞嘅亞馬遜雨林區，屬攀爬型半附生（hemiepiphyte）。
家居擺位
理想係明亮散射光（約 10,000–20,000 lux）：東／西窗約 0.9–1.2 米，或南窗加薄紗簾。直射易令纖細葉尖焦；光太弱會令莖節拉長、新葉分裂減少。
香港單位宜遠離冷氣直吹同穿堂風。佢係攀爬型，水苔柱或穩固支架有助葉形展開。葉片含草酸鈣晶體，有毒——請擺喺小孩同寵物接觸唔到嘅位置。
養護判斷
買前快速自查：表土 2–3 cm 乾透先淋，唔好長期積水；濕度大約 50–70% 較理想；介質要用疏鬆透氣嘅天南星科（Aroid）混合土。葉黃、莖軟多數同淋水過多有關。
更完整嘅香港養護步驟、常見問題同冷知識，請睇 魚骨蔓綠絨養護指南。CARE SPEC 規格表喺本頁上方，方便對光／水／難度。
購買與配送
每株實物葉形、尺寸同分裂程度會有自然差異，現貨以商品頁同銅鑼灣門市為準。可網上落單安排送貨，或親臨門市睇實株、WhatsApp 查詢。
植仔 Plantjai｜銅鑼灣耀華街 39 號南慶坊 4 樓｜訂單確認後一般按網站送貨時段安排。
十年後如果仲有植仔，大概都要改名做植佬，而植佬要揀五棵植物擺屋企嘅話，講真白龜我唔肯定有無份，魚骨蔓綠絨我都幾肯定走唔甩。
賣點唔單止係魚骨天線咁嘅葉，重有每塊新葉由一枝螢光筆尺寸嘅新芽慢慢 unfold 同 unroll 嘅過程，就好似睇緊 SpaceX 嘅 Falcon 9 飛到去 LEO 再慢慢放個人造衛星出蒞，然後嗰隻人造衛星就會自己將幾十塊太陽能板伸長、攤開、最後將自己對啱光照嘅角度，從此日出而作日入而息，直到自己重返大氣層，或者重返地面，化作春泥更護花。自己屋企可以做到最接近 satellite deployment 嘅場面，P. tortum 應該係幾好嘅選擇。
講返養護，主要係都幾大路。淋水太密會爛根，一旦爛根都唔易 recover，所需時間算係蔓綠絨入面比較長嘅一個品種，所以真係唔好俾佢爛根——我哋真係等到佢乾透先會再淋透，無論 10cm 定 22cm 盆；22cm 盆差唔多一個月淋一次水。
分株成功率好高，只係所需嘅時間都好耐，而且幼苗嘅生長同成株比基本上係竹蜻蜓同火箭嘅分別，所以 3 棵細魚骨絕對抵唔上一棵 3 倍尺寸嘅大魚骨。簡單嚟講，我係唔建議分株；換句話講，咁易 clone 到嘅點會係經典。如果你問，點解我又會有魚骨嘅分株賣？因為我唔小心整斷咗自己棵十幾葉嘅魚骨，塊塊葉都成尺長。
- 運費
- 全港送貨 — HK$250（單一運費） 訂單滿 HK$1,800 — 免運費
- 出貨時間
- 訂單確認及收款後，一般於 3–7 個工作天內安排送貨（不含星期六、日及公眾假期）。預訂或缺貨品種可能延長，我們會事先通知。
- 門市自取
- 可到銅鑼灣門市自取。
- 送貨時段：星期一至六，一般 14:00–21:00；確實時間會於出貨前以 WhatsApp／電話確認。
- 樓梯附加費：送貨途中有必須通過之梯級，另加每層／15 級 HK$35；連盆高度超過 1.4 米者加倍。
- 離島、愉景灣等特殊路線可能需另行報價；不送打鼓嶺、邊境禁區等管制區域。大型盆栽請先 WhatsApp 查詢。詳情見 完整送貨須知。
只有註冊並且購買過商品的顧客才能撰寫評價。
銅鑼灣門市 · 時代廣場約 3 分鐘
親臨門市，親手感受每棵植物嘅不同
離開時代廣場約三分鐘路程，耀華街 4 樓有一片安靜綠意。親眼比較植物高矮、葉形同盆器比例，帶同家居照片，一起討論擺位與採光。無需預約，直接 walk-in。
網店滿 HK$1,800 免運 · 銅鑼灣門市自取 · WhatsApp 查詢家居植物
- 01現場實物慢慢睇
- 02比較高度與盆器
- 03即場挑選帶走
- 地址
- 銅鑼灣耀華街39號南慶坊4樓 4/F 39 Yiu Wa Street, Causeway Bay
- 營業
- 每日 12:30 – 8:00pm
- 交通
- 時代廣場步行約 3 分鐘 · 銅鑼灣站 A 出口約 5 分鐘
FAQ · 落單前
落單前常見問題
需要幾多光同幾密淋水？
可適應嘅光線環境：有蓋室外, 室內窗邊, 一般室內。淋水：半乾全濕，以泥土乾濕判斷，唔好按固定日曆淋水。
香港送貨點計？
全港送貨劃一 HK$250，訂單滿 HK$1,800 免運費；偏遠地區可能需要額外收費。亦可以免費到銅鑼灣門市自取。
可唔可以退貨？
購買後 21 日內接受退貨，活體植物須符合政策列明嘅狀態條件；退貨運費由買家負責。完整條款見退貨及退款政策：https://plantjai.com/refund_return_policy/。
商品評價
目前沒有評價。