Anthurium 花燭屬

種嘢本為消閑作樂，種嘢種到嘔十九幾両血又何必。不過始終唔係香港原生嘅植物，想種得好下面幾樣基本嘅環境都要俾得到。

明亮散射光 - 一句講晒，即係光猛但係直曬唔到。至於點先叫光猛、點先叫直曬、窗邊得唔得、露台得唔得、天台得唔得等等等等，可以再問我哋。

空氣濕度 - 以香港嘅天氣其實全年大部分時間都夠濕。(如果你住將軍澳或者山上面春天開抽濕都未必有問題，真心) 不過如果夏天冷氣長開、冬天返北風嗰個星期就真係有需要加濕。俾一個參考大家，我哋舖頭多數時間就keep相對濕度喺60%-75%。如果需要加濕最有效嘅方法當然係配返部加濕機，如果唔想其實都有好多方法增加空氣濕度，不過我哋就覺得儘可能都唔好噴濕葉面會比較安全。關於濕度這個問題

疏水嘅介質 - 介質者，眾人所謂之泥也。(唔係扮唔扮專業嘅問題，只係'介質'真係比起'泥'精准，因為除咗'泥'之外，仲有好多好好用嘅種植介質。) 適合嘅介質係成功嘅一大半，但係點先算係適合，其實唔止係睇植物，仲要睇照顧植物嘅人。無錯極致疏水嘅介質的確唔易爛根，但係相對淋水同施肥都密左。所以喺考慮介質組合嘅時候，記得要考慮埋自己，咁先更加可以享受到種嘢嘅樂趣。關於介質這個問題